கோவில்பட்டி நேஷனல் பொறியியல் கல்லூரியில்மாநில வினாடி-வினா போட்டி

கோவில்பட்டி (மேற்கு):

கோவில்பட்டி நேஷனல் பொறியியல் கல்லூரியில் மேல்நிலைப்பள்ளி பள்ளி மாணவ- மாணவிகளுக்கான 9- ம் ஆண்டு மாநில அளவிலான வினாடி- வினா போட்டி நேற்று கல்லூரி கலையரங்கத்தில் நடைபெற்றது.

போட்டியில் தமிழகம் முழுவதிலும் இருந்து சுமார் 160 பள்ளிகளிலிருந்து 320 மாணவ- மாணவிகள் கலந்து கொண்டனர். கணிதத்துறை உதவி பேராசிரியை எஸ்.கீதா வரவேற்று பேசினார். நிகழ்ச்சிக்கு தலைமை வகித்து கல்லூரி முதல்வர் கே.காளிதாச முருகவேல் பேசினார். போட்டியை சுமந்த்.சி.ராமன் தொகுத்து வழங்கினார்.

காலை 11.30 மணியளவில் நடத்தப்பட்ட தகுதிச் சுற்றில் சிறப்பாக செயல்பட்ட முதல் 8 பள்ளிகளின் மாணவர்கள் இறுதி சுற்றுக்கு தேர்ந்தெடுக்கப்பட்டனர். இறுதிச் சுற்றில் நடப்பு நிகழ்வுகள், தற்கால அரசியல், வரலாறு உள்ளிட்ட பல்வேறு துறைகளில் இருந்து கேள்விகள் கேட்கப்பட்டது.

கல்லூரி இயக்குனர் எஸ்.சண்முகவேல், கல்லூரியின் சீனியர் டீன் எம்.ஏ.நீலகண்டன் மற்றும் சிறப்பு விருந்தினர் வெற்றி பெற்றவர்களுக்கு பாராட்டு சான்றிதழுடன் பரிசு வழங்கினர்.

போட்டிக்கான ஏற்பாடுகளை கல்லூரி தாளாளர் கே.ஆர். அருணாச்சலம், இயக்குநர் முதல்வர் மற்றும் துறைத் தலைவர் ஆகியோரது வழிகாட்டுதலின்படி, வினாடி-வினா போட்டி ஒருங்கிணைப் பாளர்கள், முனைவர்.எஸ்.சித்திரைக்குமார், எஸ். எஸ்.பாஷித்தா பர்வீன், முனைவர் எம்.அரவிந்த், முனைவர் எஸ்.என்.ஐ.சதீஷ் பாலகுமாரன், எஸ்.சிவபாலன், மற்றும் பேராசிரியர்கள் செய்திருந்தனர்.