கல்லூரி மாணவர் மீது தாக்குதல்; 5 பேர் கைது

நெல்லை சீவலப்பேரி அருகே உள்ள அலங்காரப்பேரியை சேர்ந்தவர் கணேசபெருமாள் (வயது 19). கல்லூரி மாணவர். இவர் கடந்த 31-ந்தேதி பாளையங்கோட்டையில் இருந்து தனியார் பஸ்சில் வண்ணார்பேட்டைக்கு சென்றார். அவர் சென்ற அதே பஸ்சில் 18 வயது நிரம்பிய பாலிடெக்னிக் மாணவர்கள் 5 பேர் வந்தனர். அவர்களுக்கும், கணேசபெருமாளுக்கும் பள்ளிக்கூடத்தில் படித்தபோது பிரச்சினை இருந்ததாம். அந்த முன்பகை காரணமாக வண்ணார்பேட்டை பஸ் நிறுத்தத்தில் வைத்து பாலிடெக்னிக் மாணவர்கள் 5 பேரும் சேர்ந்து கணேசபெருமாளை தாக்கி கொலை மிரட்டல் விடுத்தனர். இதுகுறித்து அவர் பாளையங்கோட்டை போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து 5 பேரையும் கைது செய்தனர்.