ஆயுதத்துடன் பொதுமக்களை மிரட்டியவர் கைது

இளையான்குடி

இளையான்குடி அருகே உள்ள ராதாபுலி விளக்கில் உள்ள ஒரு டீக்கடை முன்பாக வாலிபர் ஒருவர் கையில் வாளுடன் நின்று கொண்டு பொதுமக்களை மிரட்டி கொண்டிருந்தாராம். இதுகுறித்து அறிந்த சாலைக்கிராமம் போலீஸ் சப்-இன்ஸ்பெக்டர் பிரேம்குமார் மற்றும் போலீசார் அங்கு சென்று அந்த வாலிபரை மடக்கி பிடித்து விசாரித்தனர். அதில் தெற்கு வலசைகாடு பகுதியை சேர்ந்த அழகர்சாமி மகன் அஜித் (வயது 19) என்பது தெரியவந்தது. இதையடுத்து அவரை போலீசார் கைது செய்தனர்.