அடையாளம் தெரியாத முதியவர் மயங்கி விழுந்து சாவு

திருக்காட்டுப்பள்ளி

திருக்காட்டுப்பள்ளி அருகே உள்ள செந்தலை மீனாட்சிபுரம் பஸ் நிறுத்தம் அருகே 60 வயது மதிக்கத்தக்க முதியவர் ஒருவர் மயங்கி விழுந்தார். இதனை பார்த்த அக்கம்பக்கத்தினர் அவரை மீட்டு திருக்காட்டுப்பள்ளி அரசு ஆஸ்பத்திரிக்கு அனுப்பி வைத்தனர். பின்னர் மேல்சிகிச்சைக்காக தஞ்சை மருத்துவக்கல்லூரி ஆஸ்பத்திரியில் சேர்த்தனர். அங்கு அவர் சிகிச்சை பலனின்றி இறந்தார். அவரது உடல் தஞ்சை மருத்துவக்கல்லூரி ஆஸ்பத்திரி சவக்கிடங்கில் வைக்கப்பட்டு உள்ளது. இறந்தவர் யார்? எந்த ஊரை சேர்ந்தவர்? என்பது குறித்து திருக்காட்டுப்பள்ளி போலீஸ் சப்- இன்ஸ்பெக்டர் கோவிந்தராஜன் வழக்குப்பதிவு செய்து விசாரணை நடத்தி வருகிறார்.