இசக்கி வித்யாஷ்ரம் பள்ளி மாணவர்கள் சாதனை

அம்பை வேல்ஸ் வித்யாலயா பள்ளியில் வைத்து மதுரை சகோதயா அமைப்பின் சார்பில் சதுரங்க போட்டி நடைபெற்றது. இந்த போட்டியில் பல்வேறு பள்ளிகளின் மாணவ மாணவிகள் கலந்து கொண்டனர். இப் போட்டியில் தென்காசி இசக்கி வித்யாஷ்ரம் பள்ளி மாணவர் ஹரிஹர ராஜன் தங்கப்பதக்கத்தையும், மாணவி ஹரிணி வெள்ளி பதக்கத்தையும், மாணவி சாம்பவி வெண்கல பதக்கத்தையும் பெற்றனர். சாதனை படைத்த மாணவ மாணவிகளை பள்ளியின் சேர்மன் இசக்கி சுப்பையா எம்.எல்.ஏ., நிர்வாக இயக்குனர் இசக்கி துரை, பள்ளி முதல்வர் மோனிகா டிசோசா மற்றும் உடற்பயிற்சி ஆசிரியர்கள் பாலா, ஸ்டீபன், சோபியா, ராஜா, மஹாலக்ஷ்மி மற்றும் பயிற்றுனர் கண்ணன் ஆகியோர் பாராட்டினர்.