மோட்டார் சைக்கிளில் சென்றவர் தவறி விழுந்து பலி

தஞ்சை விளார் சாலை தில்லை நகர் பகுதியை சேர்ந்தவர் சிவபாலன் (வயது 48). இவர் விளார் சாலையில் தனது மோட்டார் சைக்கிளில் சென்று கொண்டிருந்தார். அப்போது தில்லை நகர் அருகே சென்ற போது மோட்டார் சைக்கிள் கட்டுப்பாட்டை இழந்து தாறுமாறாக ஓடியதில் நிலைதடுமாறி தவறி விழுந்தார். இதில் தலையில் படுகாயம் அடைந்த சிவபாலன் சம்பவஇடத்திலேயே பரிதாபமாக இறந்தார். இதுகுறித்து அக்கம்பக்கத்தினர் தஞ்சை தாலுகா போலீசாருக்கு தகவல் தெரிவித்தனர். அதன் பேரில் போலீசார் சம்பவ இடத்திற்கு விரைந்து சென்று சிவபாலன் உடலை மீட்டு பிரேதபரிசோதனைக்காக தஞ்சை மருத்துவக்கல்லூரி ஆஸ்பத்திரிக்கு அனுப்பி வைத்தனர். இதுகுறித்து தஞ்சை தாலுகா போலீசார் வழக்குப்பதிவு செய்து விசாரணை நடத்தி வருகின்றனர்.