வாகனம் மோதியதில் நடந்து சென்றவர் சாவு

பர்கூர்:

கந்திகுப்பம் அருகே உள்ள தனியார் திருமண மண்டப பகுதியில் 35 வயது மதிக்கத்தக்க ஆண் ஒருவர் நடந்து சென்றார். அப்போது அந்த வழியாக வந்த வாகனம் மோதி படுகாயம் அடைந்து இறந்தார். தகவல் அறிந்த ஓரப்பம் கிராம நிர்வாக அலுவலர் முருகேசன் இதுகுறித்து கந்திகுப்பம் போலீசாருக்கு தகவல் கொடுத்தார். அதன்பேரில் போலீசார் சம்பவ இடத்துக்கு சென்று இறந்தவரின் உடலை கைப்பற்றி கிருஷ்ணகிரி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இதுதொடர்பாக வழக்குப்பதிவு செய்த போலீசார் இறந்தவர் யார்? அவர் எந்த ஊர்? என்பது குறித்து விசாரணை நடத்தி வருகின்றனர்.