மோட்டார் சைக்கிளில் பெட்ரோல் திருடிய வாலிபர் கைது

நெல்லை அருகே தாழையூத்து ராஜவல்லிபுரம் இந்திரா நகரை சேர்ந்தவர் ஊமைத்துரை (வயது 36). இவர் தனது மோட்டார் சைக்கிளை வீட்டின் முன்பு நிறுத்தி இருந்தார். அந்த மோட்டார் சைக்கிளில் வாலிபர் ஒருவர் பெட்ரோல் திருடிக்கொண்டு இருந்துள்ளார். அதனை பார்த்த ஊமைத்துரை அந்த வாலிபரை கையும் களவுமாக பிடித்து தாழையூத்து போலீஸ் நிலையத்தில் ஒப்படைத்தார். போலீஸ் விசாரணையில், அவர் அதே பகுதியை சேர்ந்த பெயிண்டர் கிருஷ்ணபெருமாள் (19) என்பதும், அவர் மீது ஏற்கனவே வழக்குகள் இருப்பதும் தெரியவந்தது. இதனையடுத்து தாழையூத்து போலீசார் வழக்குப்பதிவு செய்து அவரை கைது செய்தனர்.