ரெயிலில் இருந்து தவறி விழுந்து வாலிபர் பலி

தஞ்சாவூர் மாவட்டத்தை சேர்ந்தவர் செந்தில். இவருடைய மகன் சந்தோஷ் (வயது 20). இவர் திருப்பூரில் உள்ள தனியார் பனியன் கம்பெனியில் வேலை செய்து வந்தார். இந்தநிலையில் நேற்று வழக்கம்போல் தஞ்சாவூரில் இருந்து திருப்பூருக்கு சந்தோஷ் ரெயிலில் சென்று கொண்டிருந்தார். கிருஷ்ணராயபுரம் அருகே மாயனூர்-சித்தலவாய் ரெயில் நிலையத்திற்கு இடைப்பட்ட திருக்காம்புலியூர் பகுதியில் வந்தபோது எதிர்பாராதவிதமாக ரெயிலில் இருந்து கீழே தவறி விழுந்தார். இதில் பலத்த காயம் அடைந்த அவர் தண்டவாளத்தில் பரிதாபமாக இறந்தார். இந்த சம்பவம் குறித்து தகவல் அறிந்த கரூர் ரெயில்வே போலீசார் சம்பவ இடத்திற்கு விரைந்து சென்று அவரது உடலை கைப்பற்றி பிரேத பரிசோதனைக்காக கரூர் அரசு மருத்துவக்கல்லூரி மருத்துவமனைக்கு அனுப்பி வைத்து விசாரணை நடத்தி வருகின்றனர்.