அரசின் சாதனைகள் குறித்த புகைப்பட கண்காட்சி

ஆண்டிமடம்:

அரியலூர் மாவட்ட செய்தி மக்கள் தொடர்புத்துறை சார்பில் தமிழ்நாடு அரசின் சாதனைகள் மற்றும் நலத்திட்டங்கள் குறித்த புகைப்பட கண்காட்சி, ஆண்டிமடம் ஊராட்சி ஒன்றியத்திற்கு உட்பட்ட கூவத்தூர் ஊராட்சியில் பொதுமக்கள் பார்வைக்காக வைக்கப்பட்டிருந்தன. இந்த கண்காட்சியில் தமிழ்நாடு முதல்-அமைச்சரால் தொடங்கி வைக்கப்பட்ட நலத்திட்டங்கள் குறித்த புகைப்படங்கள் மற்றும் அமைச்சர்கள், மாவட்ட கலெக்டர், எம்.எல்.ஏ.க்கள் ஆகியோர் கலந்து கொண்டு செயல்படுத்திய நலத்திட்டங்கள் குறித்த புகைப்படங்கள் இடம் பெற்றிருந்தன. இப்புகைப்பட கண்காட்சியை ஏராளமான பொதுமக்கள் பார்வையிட்டு அரசின் சாதனைகள் மற்றும் நலத்திட்டங்கள் குறித்து தெரிந்து கொண்டனர்.