பனமரத்துப்பட்டி அருகேதோட்டத்தில் கஞ்சா செடி வளர்த்த விவசாயி கைது

பனமரத்துப்பட்டி,

பனமரத்துப்பட்டி அருகே உள்ள ஜல்லூத்துப்பட்டி பகுதியில் கஞ்சா செடி வளர்க்கப்படுவதாக போலீசாருக்கு ரகசிய தகவல் கிடைத்தது. இதையடுத்து சேலம் புறநகர் துணை போலீஸ் சூப்பிரண்டு தையல்நாயகி தலைமையிலான போலீசார் அந்த பகுதியில் திடீரென சோதனை மேற்கொண்டனர்.

அப்போது ஜல்லூத்துப்பட்டி அருகே உள்ள மஞ்சபாளி பகுதியில் குமார் (வயது 48) என்ற விவசாயி தோட்டத்தில் கஞ்சா செடியை பயிரிட்டு இருந்தது தெரியவந்தது. இதையடுத்து போலீசார் குமாரை கைது செய்தனர். மேலும் அவர் தோட்டத்தில் பயிரிட்டு இருந்த ஒரு கிலோ எடையுள்ள கஞ்சா செடிகளை போலீசார் பறிமுதல் செய்தனர்.