முயல் வேட்டைக்கு சென்ற 5 பேர் பிடிபட்டனர்

மயிலம்

மயிலம் அருகே உள்ள பெரும்பாக்கம் பகுதியில் நேற்று இரவு மயிலம் போலீசார் தீவிர ரோந்து பணியில் இருந்தனர். அப்போது அந்த வழியாக சந்தேகத்துக்கிடமாக வந்த 5 மர்ம நபர்களை பிடித்து விசாரணை நடத்தினர்.

விசாரணையில் அவர்கள் மயிலம் பகுதியை சேர்ந்த சேட்டு, குமரேசன்(19), சந்தோஷ், ரஞ்சித்(23) மற்றும் 17 வயது சிறுவன் என்பதும் நாட்டு துப்பாக்கியுடன் முயல் வேட்டைக்கு சென்றபோது சிக்கியதும் தெரியவந்தது. இதையடுத்து அவர்கள் 5 பேர் மீதும் வழக்குப்பதிவு செய்த போலீசார் அவர்களிடம் இருந்த மோட்டார் சைக்கிள் நாட்டுத்துப்பாக்கி, 3 டார்ச்லைட், கத்தி, பேட்டரி ஆகியவற்றை பறிமுதல் செய்தனர்.