அரசு பள்ளி வகுப்பறையில் மேற்பூச்சு பெயர்ந்து விழுந்து 3 மாணவிகள் காயம்... செங்கல்பட்டு அருகே பரபரப்பு

செங்கல்பட்டு,

செங்கல்பட்டு மாவட்டம் திருப்போரூர் அருகே சிறுதாவூர் பகுதியில் அரசு பள்ளி உள்ளது. இந்த பள்ளியில் உள்ள வகுப்பறை ஒன்றின் கட்டட மேற்பூச்சு இன்று மாலை திடீரென பெயர்ந்து விழுந்தது. இதில் பத்தாம் வகுப்பு படிக்கும் 3 மாணவிகள் காயம் அடைந்தனர்.

இதையடுத்து காயமடைந்த மாணவிகள் திருப்போரூர் அரசு மருத்துவமனையில் சிகிச்சைக்காக அனுமதிக்கப்பட்டனர். இதில் தலையில் பலத்த காயமடைந்த மாணவி ஒருவருக்கு 5 தையல் போடப்பட்டுள்ளது. இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது. மேற்பூச்சு பெயர்ந்து விழுந்த கட்டிடம் 8 ஆண்டுகளுக்கு முன்பு கட்டப்பட்டதாக கூறப்படுகிறது.

திருப்போரூர் சட்டமன்ற உறுப்பினர் இந்த சம்பவம் தொடர்பாக கல்வித்துறைக்கு அறிக்கை ஒன்றை அனுப்பியுள்ளார். அதில் சம்பந்தப்பட்ட அதிகாரிகள் மற்றும் ஒப்பந்ததாரர்கள் மீது நடவடிக்கை எடுக்க வேண்டும் என்று அவர் வலியுறுத்தியுள்ளார்.