ஆற்றில் மணல் அள்ளிய 4 பேர் கைது மினிவேன் பறிமுதல்

அரியாங்குப்பம்

ஆற்றில் மணல் அள்ளிய 4 பேரை போலீசார் கைது செய்தனர். மினிவேன் பறிமுதல் செய்யப்பட்டது.

தவளக்குப்பத்தை அடுத்த அபிஷேகப்பாக்கம் பகுதியில் உள்ள குடியாற்றில் மர்மநபர்கள் மணல் அள்ளுவதாக போலீசுக்கு ரகசிய தகவல் கிடைத்தது. அதன்பேரில் போலீஸ் சப்-இன்ஸ்பெக்டர் பிரபு மற்றும் தலைமை காவலர் சரவணன் தலைமையிலான போலீசார் அங்கு விரைந்து சென்றனர். 

அப்போது 4 பேர் கொண்ட கும்பல் மினிவேனில் மணல் அள்ளிக் கொண்டிருந்தது. போலீசாரை கண்டதும் 4 பேரும், தப்பியோட முயன்றனர். இருப்பினும் போலீசார் சுற்றி வளைத்து மடக்கிப் பிடித்தனர்.

விசாரணையில் அவர்கள், அபிஷேகப்பாக்கம் அடுத்த சிங்கிரிகோவில் அய்யனார் கோவில் வீதியை சேர்ந்த ரஜினி (வயது36), வில்லியனூர் கோட்டைமேடு பொறையாத்தம்மன் கோவில் வீதியை சேர்ந்த ரூபன் லூர்துநாதன் (21), ராஜ்குமார் (28), சாரதி (19) என்பது தெரியவந்தது.  இதையடுத்து 4 பேரையும் கைது செய்தனர். மினிவேன் பறிமுதல் செய்யப்பட்டது.