தூக்குப்போட்டு தொழிலாளி தற்கொலை

முதலியார்பேட்டை உடையார்தோப்பு பகுதியை சேர்ந்தவர் முருகேசன் (வயது 55). தொழிலாளி. திருமணம் ஆகவில்லை. இவர் சரியாக வேலைக்கு செல்லாமல் மது குடித்து வந்ததாக கூறப்படுகிறது. நேற்று  முருகேசன், தனது தாயார் தனலட்சுமியிடம் மது குடிக்க பணம் கேட்டுள்ளார். ஆனால் அவர் பணம் கொடுக்க மறுத்து முருகேசனை கண்டித்ததாக தெரிகிறது. 

இதனால் மனவேதனை அடைந்த முருகேசன் வீட்டில் தூக்குப்போட்டு தற்கொலை செய்து கொண்டார். இதுகுறித்து முதலியார்பேட்டை போலீசார் வழக்குப்பதிவு செய்து விசாரணை நடத்தி வருகின்றனர்.