தங்கம் விலை சவரனுக்கு ரூ.544 குறைவு...!

சென்னை,

கொரோனா ஊரடங்கு உள்ளிட்ட காரணங்களால் தங்கத்தின் மீதான முதலீடு அதிகரித்ததால் அதன் விலை தொடர்ந்து அதிகரித்து வந்தது. எனினும் கடந்த சில நாட்களாக தங்கம் விலை ஏற்றம், இறக்கம் கண்டு வருகிறது.

இந்நிலையில் தங்கம் விலை இன்று அதிரடியாக குறைந்துள்ளது. அதன்படி, சென்னையில் ஆபரணத் தங்கத்தின் விலை சவரனுக்கு ரூ.544 குறைந்து, ரூ.39,656-க்கு விற்பனை செய்யப்படுகிறது. ஒரு கிராம் தங்கம் ரூ.68 குறைந்து, ரூ.4,957-க்கு விற்பனை செய்யப்படுகிறது.

அதைபோல வெள்ளி விலை கிராமுக்கு 1.50 பைசா குறைந்து, ரூ.73.50-க்கு விற்பனை செய்யப்படுகிறது. வெள்ளி கிலோவுக்கு ரூ.73,500-க்கு விற்பனை செய்யப்படுகிறது.