ஆயுதங்களுடன் பதுங்கியிருந்த 2 பேர் கைது

மதுரை, 

மதுரை தெற்குவாசல் போலீசார் அவர்கள் எல்லைக்கு உட்பட்ட பகுதியில் ரோந்து சென்றனர். அவர்கள் தெற்குவாசல் பாலத்திற்கு கீழே சென்ற போது 2 பேர் போலீசாரை கண்டு ஓடினார்கள். அவர்களை போலீசார் சுற்றி வளைத்து பிடித்து விசாரித்தனர். அதில் அவனியாபுரம் திருப்பதிநகரை சேர்ந்த ரூபன் (வயது 24), தமிழ்இளையன் (19) என்பதும், அவர்கள் ஆயுதங்களை மறைத்து வைத்திருந்ததும் தெரியவந்தது. பின்னர் தெற்குவாசல் போலீசார் வழக்குப்பதிவு செய்து அவர்கள் 2 பேரையும் கைது செய்தனர். மேலும் அவர்களிடமிருந்து ஒரு கத்தி, ஒரு அரிவாள் போன்றவற்றை பறிமுதல் செய்தனர்.