பட்டாசுகளை பதுக்கி வைத்திருந்த 2 பேர் கைது

தாயில்பட்டி,

வெம்பக்கோட்டை அருகே உள்ள விளாமரத்துபட்டியில் வெம்பக்கோட்டை இன்ஸ்பெக்டர் நம்பிராஜன் ரோந்து பணியில் ஈடுபட்டார். அப்போது பஸ் நிறுத்தத்தில் சந்தேகத்திற்கு இடமாக வெம்பக்கோட்டையை சேர்ந்த சிதம்பரநாதன் (வயது 40), விஜயகரிசல்குளம் கார்த்திக் (30) ஆகியோர் நின்று கொண்டிருந்தனர். போலீசார் அவர்களிடம் இருந்த சாக்குபையை சோதனை செய்தனர். அதில் அனுமதியின்றி தயாரிக்கப்பட்ட தலா 20 கிலோ சோல்சா வெடிகள், 10 குரோஸ் கருந்திரிகள் மற்றும் மூலப்பொருட்களை பதுக்கி வைத்திருந்தது தெரியவந்தது. இதையடுத்து அவற்றை பறிமுதல் செய்த போலீசார், அவர்கள் 2 பேரையும் கைது செய்தனர்.