சாராயம் விற்ற பெண் உள்பட 2 பேர் கைது

சங்கராபுரம்

சங்கராபுரம் போலீஸ் சப்-இன்ஸ்பெக்டர் நரசிம்மஜோதி தலைமையிலான போலீசார் சங்கராபுரம் அருகே உள்ள மேலப்பட்டு, அரசம்பட்டு ஆகிய கிராமங்களில் தீவிர ரோந்துபணியை மேற்கொண்டனர். அப்போது வீட்டின் அருகில் சாராயம் விற்பனை செய்து கொண்டிருந்த மேலப்பட்டு கிராமத்தை சேர்ந்த கோபால்(வயது 47) என்பவரை கைது செய்த போலீசார் அவரிடம் இருந்து 10 லிட்டர் சாராயத்தையும், அரசம்பட்டு கிராமத்தை சேர்ந்த அஞ்சலை(58) என்பவரை கைது செய்த போலீசார் அவரிடம் இருந்து 30 லிட்டர் சாராயத்தையும் பறிமுதல் செய்தனர்.