தோட்டங்களில் ஒயர்- மோட்டார் திருடிய 2 பேர் சிக்கினர்

நெல்லையை அடுத்த முன்னீர்பள்ளம் அருகே மணலிவிளை சி.எஸ்.ஐ. சர்ச் தெருவை சேர்ந்தவர் பரமசிவன் (வயது 34). இவருக்கு சொந்தமான தோட்டம் அதே பகுதியில் உள்ளது. சம்பவத்தன்று அந்த தோட்டம் மற்றும் அதன் அருகே உள்ள ஆறுமுகம், முத்து, பண்டாரம் ஆகியோருக்கு சொந்தமான தோட்டங்களில் இருந்த சுமார் ரூ.30 ஆயிரம் மதிப்புள்ள காப்பர் ஒயர், பைப், மோட்டார் ஆகியவற்றை மர்மநபர்கள் திருடி சென்றனர். இதுகுறித்த புகாரின் பேரில் முன்னீர்பள்ளம் போலீசார் வழக்குப்பதிவு செய்து விசாரணை நடத்தினர்.

விசாரணையில் பொன்னாக்குடியை சேர்ந்த வெற்றிவேல் (23), புதுக்குளத்தை சேர்ந்த செல்வசங்கர் (23) ஆகியோர் திருட்டு சம்பவத்தில் ஈடுபட்டது தெரியவந்தது. இதனையடுத்து போலீசார் அவர்களை கைது செய்தனர்.