பெண்ணிடம் நகை பறித்த 2 பேர் கைது

கடையம்:

கடையம் அருகே உள்ள புலவனூர் பொன்மலைநகரைச் சேர்ந்தவர் ராமர். இவரது மனைவி சங்கீதா. இவர்கள் 2 பேரும் கடந்த 27-ந் தேதி இரவில் மோட்டார் சைக்கிளில் புலவனூரில் இருந்து மாதாபுரத்திற்கு சென்று கொண்டு இருந்தனர். அவர்களின் பின்னால் மற்றொரு மோட்டார் சைக்கிளில் வந்த 2 மர்மநபர்கள், சங்கீதா கழுத்தில் கிடந்த 55 கிராம் தங்க நகைகளை பறித்துச் சென்றுவிட்டனர்.

இதுகுறித்த புகாரின் பேரில் கடையம் போலீசில் புகார் செய்யப்பட்டது. இன்ஸ்பெக்டர் விஜயகுமார், சப்-இன்ஸ்பெக்டர் நவநீதகிருஷ்ணன் மற்றும் போலீசார் வழக்குப்பதிவு செய்து விசாரணை நடத்தினர்.

அதில் தூத்துக்குடி மாவட்டம் லெவஞ்சிபுரம் பகுதியை சேர்ந்த வேலுச்சாமி மகன் மாரி செல்வம் (வயது 22), சத்திய வாசகம் மகன் சிவா (22) ஆகியோர் நகை பறிப்பில் ஈடுபட்டது தெரியவந்தது. இதையடுத்து போலீசார், 2 பேரையும் கைது செய்தனர். அவர்களிடம் இருந்து மோட்டார் சைக்கிள் பறிமுதல் செய்யப்பட்டது.