பெண்ணை மிரட்டி பணம் கேட்ட 2 பேர் கைது

சிவகாசி, 

விருதுநகர் கூடல்நகரில் வசித்து வரும் விக்னேஷ் மனைவி ரம்யலட்சுமி (வயது 21) என்பவர் வேலாயுதம் ரோட்டில் நடந்து வந்து கொண்டிருந்தார். அப்போது அங்கு வந்த சிவகாசி ஏ.வி.டி. தெற்கு தெருவை சேர்ந்த கண்ணன் (35), ரமணப்ரியன் (36) ஆகிய 2 பேரும் கத்தியை காட்டி மிரட்டி ரம்யலட்சுமியிடம் பணம் கேட்டுள்ளனர். அவர் கூச்சல் போட்டதால் அந்த பகுதியை சேர்ந்தவர்கள் கண்ணன், ரமணப்ரியன் ஆகியோரை பிடித்து சிவகாசி டவுன் போலீசில் ஒப்படைத்தனர். போலீசார் அவர்கள் 2 பேரையும் கைது செய்தனர்.