2,200 பயனாளிகளுக்கு ரூ.17 கோடி நலத்திட்ட உதவி
திருப்பத்தூரில் நடந்த கூட்டுறவு வார விழாவில்2,200 பயனாளிகளுக்கு ரூ.17 கோடி மதிப்பிலான நலத்திட்ட உதவிகள் வழங்கப்பட்டது.
திருப்பத்தூரில் நடந்த கூட்டுறவு வார விழாவில்2,200 பயனாளிகளுக்கு ரூ.17 கோடி மதிப்பிலான நலத்திட்ட உதவிகள் வழங்கப்பட்டது.
ரூ.17 கோடி நலத்திட்ட உதவி
திருப்பத்தூரில் 69-வது அனைத்திந்திய கூட்டுறவு வார விழா நடந்தது. விழாவுக்கு கலெக்டர் அமர்குஷ்வாஹா தலைமை தாங்கினார். எம்.எல்.ஏ.க்கள் க.தேவராஜி, அ.நல்லதம்பி, அ.செ.வில்வநாதன் ஆகியோர் முன்னிலை வகித்தனர். திருப்பத்தூர் கூட்டுறவு சங்கங்களின் மண்டல இணைப்பதிவாளர் சி.பெ.முருகேசன் வரவேற்று பேசினார். தமிழ்நாடு நுகர்பொருள் வாணிபக்கழக இணைப்பதிவாளர் திருகுண அய்யப்பதுரை உறுதிமொழி வாசித்தார். வேலூர் மாவட்ட மத்திய கூட்டுறவு வங்கி இணைப்பதிவாளர் வ.சி.கோமதி திட்ட விளக்கவுரை ஆற்றினார்.
விழாவில் கூட்டுறவுத்துறையின் சார்பில் 2,200 பயனாளிகளுக்கு ரூ.16 கோடியே 97 லட்சத்து 57 ஆயிரம் மதிப்பிலான கடன் உதவிகளையும், சிறந்த கூட்டுறவு நிறுவனங்களுக்கு கேடயங்களையும் கலெக்டர் அமர்குஷ்வாஹா, சி.என்.அண்ணாதுரை எம்.பி. ஆகியோர் வழங்கி பேசினர்.
அப்போது அண்ணாதுரை எம்.பி. பேசுகையில் இந்திய நாட்டின் முதுகெலும்பு விவசாயம். விவசாயிகள் வசிக்கின்ற பகுதி கிராமங்கள். எனவே விவசாயிகளினுடைய வளர்ச்சிக்காகவும், கிராமங்கள் வளர்ச்சிக்காகவும் உருவாக்கப்பட்ட கூட்டுறவுத்துறையை முதல்-அமைச்சர் மு.க.ஸ்டாலின் பொறுப்பேற்ற பிறகு பல சாதனைகள் நிகழ்த்தப்பட்டுள்ளது என்றார். முன்னதாக அனைவரும் உறுதி மொழி ஏற்றுக்கொண்டனர். மேலும் மாணவிகளின் பரத நாட்டிய நிகழ்ச்சிகள் நடைபெற்றது.
கண்காட்சி அரங்குகள்
கூட்டுறவு வார விழா கொடியினை ஏற்றி வைத்து, கூட்டுறவு சங்கங்கள், ஆவின் நிர்வாகம், பொது விநியோகத்திட்டம், காதி கிராப்ட் ஆகிய துறைகளின் சார்பில் அமைக்கப்பட்ட கண்காட்சி அரங்குகளை திறந்து வைத்தும் பார்வையிட்டனர்.
நிகழ்ச்சியில் மாவட்ட ஊராட்சிக்குழு தலைவர் என்.கே.ஆர்.சூரியகுமார், மாவட்ட பால் உற்பத்தியாளர்கள் கூட்டுறவு சங்க தலைவர் எஸ்.ராஜேந்திரன், துணைப்பதிவாளர்கள் கி.சம்பத், த.சுவாதி, கூட்டுறவு சார்பதிவாளர்கள் மோகன், ஆர்.ரவிசந்திரன், தர்மேந்திரன், கா.பூவண்ணன், ஆ.சண்முகம், பிரபாகரன், ராமசந்திரன், சி.செந்தில், ஓ.சென்னம்மாள், திருப்பத்தூர் மாவட்ட கூட்டுறவு ஒன்றிய எஸ்.தண்டபாணி, நகரமன்ற தலைவர் சங்கீதா வெங்கடேஷ், ஒன்றியக்குழு தலைவர்கள் விஜயா, திருமதி, சத்யா, சங்கீதா பாரி உள்ளிட்ட பலர் கலந்து கொண்டனர். முடிவில் துணைபதிவாளர் பாலசுப்பிரமணியன் நன்றி கூறினார்.