பாகிஸ்தான் பத்திரிக்கையாளர் குற்றச்சாட்டு..!கேள்வி எழுப்பும் பா.ஜ.க....! மறுக்கும் ஹமீத் அன்சாரி...!

முன்னாள் துணை ஜனாதிபதி ஹமீது அன்சாரி மீது பாகிஸ்தான் பத்திரிக்கையாளர் நுஸ்ரத் மிர்சா குற்றச்சாட்டு; பாகிஸ்தானின் ஐ.எஸ்.ஐ.யுடன் தனது வருகைகளின் போது சேகரித்த தகவல்களைப் பகிர்ந்து கொண்டதாகவும் தெரிவிப்புபுதுடெல்லி

பாகிஸ்தான் பத்திரிக்கையாளர் நுஸ்ரத் மிர்சா, ஐக்கிய முற்போக்குக் கூட்டணி ஆட்சியின் போது தாம் ஐந்து முறை இந்தியா வந்ததாகவும், இங்கு சேகரிக்கப்பட்ட முக்கியமான தகவல்களை தனது நாட்டு உளவு அமைப்பான ஐஎஸ்ஐக்கு தெரிவித்ததாகவும் கூறியுள்ளார்.ஹமீத் அன்சாரியின் அழைப்பின் பேரில் தான் இந்தியா வந்ததாகவும், அவரைச் சந்தித்ததாகவும் நுஸ்ரத் மிர்சா கூறி இருந்தார்.

இதை தொடர்ந்து முன்னாள் துணை ஜனாதிபதி ஐஎஸ்ஐக்காக உளவு பார்க்க பாகிஸ்தான் பத்திரிகையாளரை இந்தியாவுக்கு அழைத்ததாக பாஜக குற்றம் சாட்டியது.

பா.ஜ.க. தலைமையகத்தில் வெள்ளிக்கிழமை செய்தியாளர்களிடம் பேசிய அக்கட்சியின் தேசிய செய்தித் தொடர்பாளர் கவுரவ் பாட்டியா

2009 இல் பயங்கரவாதம் தொடர்பான மாநாட்டில் நுஸ்ரத் மிர்சாவுடன்- ஹமீத் அன்சாரி கலந்து கொண்ட நிக்ழ்ச்சி குறித்த புகைப்படத்தை காட்டினார். அரசியலமைப்பு பதவிகளை வகிக்கும் நபர்கள் பொறுப்புடன் செயல்பட வேண்டும் - நுஸ்ரத் மிர்சாவுடன் நிக்ழ்ச்சியில்; கலந்து கொண்டு இருக்க கூடாது. இதுபோன்ற நிகழ்ச்சிகளை நடத்துவதற்கும் வெளிநாட்டில் இருந்து பிரமுகர்களை அழைப்பதற்கும் உளவுத்துறை அனுமதி தேவை என கூறினார்.

பயங்கரவாதத்தை எதிர்த்துப் போராடுவதில் இதுதான் அவர்களின் கொள்கை" என்று பாட்டியா கூறினார். "பயங்கரவாதத்திற்கு எதிரான பிரச்சாரத்தை இந்தியா முன்னெடுத்து வருகிறது, நமது நாட்டிற்கும் அதன் மக்களுக்கும் எதிராகப் பயன்படுத்தப்படும் தகவல்களை வழங்கிய ஒருவரை காங்கிரஸ் அரசாங்கம் மாநாட்டுக்கு அழைத்துள்ளது. இந்த (தகவல்) ஒருமுறை பகிரப்படவில்லை, ஐந்து முறை பகிரப்பட்டது. இந்தியாவைப் பலவீனப்படுத்த ஐ.எஸ்.ஐ இந்தியாவுக்கு எதிராக இந்தத் தகவலைப் பயன்படுத்தியதாக அவர் கூறுகிறார்," என்று பாட்டியா கூறினார்.

ஆனால் இதனை ஹமீத் அன்சாரி நிராகரித்துள்ளார், மேலும் அவர் பத்திரிகையாளரை சந்திக்கவோ அல்லது அழைக்கவோ இல்லை என்று கூறி உள்ளார்.

"பாகிஸ்தான் பத்திரிகையாளர் நுஸ்ரத் மிர்சாவை 2010-ம் ஆண்டு பயங்கரவாதம் குறித்த மாநாடு அல்லது 2009 மாநாடு அல்லது வேறு எந்த நிகழ்விலும் சந்தித்தது இல்லை மாநாட்டிற்கும் அழைத்ததில்லை என்று இந்தியாவின் முன்னாள் துணை ஜனாதிபதி அன்சாரி அலுவலகம் தெரிவித்துள்ளது.

நேற்றும் இன்றும் தனிப்பட்ட முறையில் ஊடகப் பிரிவுகளிலும், பா.ஜ.க.,வின் அதிகாரபூர்வ செய்தித் தொடர்பாளராலும் என்மீது ஒரு பொய்யான பொய் கட்டவிழ்த்து விடப்பட்டுள்ளது. இந்திய துணை ஜனாதிபதி என்ற முறையில் பாகிஸ்தான் பத்திரிக்கையாளர் நுஸ்ரத் மிர்சாவை அழைத்திருந்தேன். "பயங்கரவாதம்" என்ற தலைப்பில் புதுடெல்லியில் நடந்த மாநாட்டில் நான் அவரைச் சந்தித்தேன் என்றும், ஈரானுக்கான தூதராக இருந்தபோது, ​​அரசாங்க அமைப்பின் முன்னாள் அதிகாரி ஒருவர் குற்றம் சாட்டிய விவகாரத்தில் தேசிய நலனுக்கு துரோகம் இழைத்துவிட்டேன் என்றும் அறிக்கைகள் வெளிவந்துள்ளன,

வெளிநாட்டுப் பிரமுகர்களுக்கு இந்தியத் துணை ஜனாதிபதி அழைப்பிதழ்கள் பொதுவாக வெளியுறவுத்துறை அமைச்சகம் மூலம் அரசாங்கத்தின் ஆலோசனையின் பேரில் அனுப்பப்படும் என்பது அனைவரும் அறிந்ததே. டிசம்பர் 11, 2010 அன்று "சர்வதேச பயங்கரவாதம் மற்றும் மனித உரிமைகள் பற்றிய சர்வதேச நீதிபதிகளின் மாநாடு" என்ற பயங்கரவாத மாநாட்டை நான் துவக்கி வைத்தேன். வழக்கமான நடைமுறையில் இந்த அழைப்பாளர்களின் பட்டியல் அமைப்பாளர்களால் வரையப்பட்டிருக்கும். நான் அவரை அழைக்கவில்லை அல்லது சந்தித்ததில்லை, "என்று ஹமீத் அன்சாரி கூறி உள்ளார்.

இதுபோன்ற விஷயங்களில் தேசிய பாதுகாப்புக்கான அர்ப்பணிப்புக்கு நான் கட்டுப்பட்டிருக்கிறேன், அவை குறித்து கருத்து தெரிவிப்பதைத் தவிர்க்கிறேன். இந்திய அரசிடம் அனைத்துத் தகவல்களும் உள்ளன, உண்மையைச் சொல்லும் ஒரே அதிகாரம் இந்திய அரசிடம் உள்ளது. தெஹ்ரானில் நான் பணியாற்றிய பிறகு, நியூயார்க்கில் உள்ள ஐக்கிய நாடுகள் சபைக்கான இந்தியாவின் நிரந்தரப் பிரதிநிதியாக நான் நியமிக்கப்பட்டேன் என்பது பதிவு செய்யப்பட்ட விஷயம். அங்கு எனது பணி உள்நாட்டிலும் வெளிநாட்டிலும் அங்கீகரிக்கப்பட்டுள்ளது," என்று ஹமீத் அன்சாரி கூறினார்.