இந்தியாவில் 2.3 கோடி பேருக்கு கொரோனா தடுப்பூசி போடப்பட்டுள்ளது: மத்திய சுகாதாரத்துறை அமைச்சகம்

புதுடெல்லி,

இந்தியாவில் கொரோனா பெருந்தொற்றை ஒழிக்க கடந்த ஜனவரி 16 ஆம் தேதி முதல் தடுப்பூசி செலுத்தப்பட்டு வருகிறது. முதல் கட்டமாக முன்கள பணியாளர்களுக்கு தடுப்பூசி போடப்பட்ட நிலையில், கடந்த 1 ஆம் தேதி முதல் 65-வயதுக்கு மேற்பட்ட முதியவர்களுக்கும் இணை நோய்கள் உள்ள 45-வயதுக்கு மேற்பட்டவர்களுக்கும் தடுப்பூசி போடப்பட்டு வருகிறது. 

இந்த நிலையில், இந்தியாவில் நேற்று ஒருநாளில் மட்டும் 20 லட்சம் பேருக்கு கொரோனா தடுப்பூசி செலுத்தப்பட்டதாக மத்திய சுகாதாரத்துறை அமைச்சகம் தெரிவித்தது. இதுவரை தடுப்பூசி போட்டுக்கொண்டவர்கள் எண்ணிக்கை 2.3 கோடியாகும்.