மோடியின் ஆட்சி 100-வது சுதந்திர தினம் வரை தொடரும் - ராம் மாதவ் சொல்கிறார்

அகர்தலா,

திரிபுரா மாநிலத்தில் அனைத்து நாடாளுமன்ற தொகுதிகளிலும் பா.ஜனதா வெற்றி பெற்றதை தொடர்ந்து அகர்தலாவில் வெற்றிவிழா பொதுக்கூட்டம் நடந்தது. இதில் பா.ஜனதா பொதுச் செயலாளர் ராம் மாதவ் கலந்துகொண்டு பேசியதாவது:-

இந்தியா சுதந்திரம் பெற்ற பின்னர் காங்கிரஸ் தொடர்ந்து 27 ஆண்டுகள் ஆட்சியில் இருந்தது. இப்போதுவரை இதுவே மிக நீண்ட ஆட்சியாக உள்ளது. ஆனால் இந்த சாதனையை நரேந்திர மோடி முறியடிப்பார். இந்த தேர்தலில் பா.ஜனதா 6 கோடி புதிய ஓட்டுகள் உள்பட 23 கோடி ஓட்டுகள் பெற்றுள்ளது. இது வருகிற தேர்தல்களிலும் தொடரும். இந்தியாவின் சுதந்திர தின நூற்றாண்டு விழா வரை (2047) மோடியின் ஆட்சி தொடரும். இவ்வாறு அவர் கூறினார்.