அமேதி மக்களவை தொகுதியில் காங்கிரஸ் தலைவர் ராகுல் காந்தி பின்னடைவு

அமேதி,

17-வது நாடாளுமன்றத்தை தேர்ந்தெடுக்க ஏப்ரல் மாதம் 11-ந் தேதி தொடங்கி கடந்த 19-ந் தேதி வரை 7 கட்டங்களாக தேர்தல் நடைபெற்றது. நாடு முழுவதும் மொத்தம் உள்ள 543 நாடாளுமன்ற தொகுதிகளில் வேலூர் நீங்கலாக 542 தொகுதிகளுக்கு வாக்குப்பதிவு நடந்தது. இதில் பதிவான வாக்குகள் அனைத்தும் இன்று காலை 8 மணி முதல் எண்ணப்பட்டு வருகின்றன.  

இதில், ஆரம்ப கட்டத்தில் வெளியான முன்னிலை நிலவரங்களில், தேசிய ஜனநாயக கூட்டணி சுமார் 126 இடங்களில்  முன்னிலை வகிக்கிறது. ஐக்கிய முற்போக்கு கூட்டணி 59 இடங்களில் முன்னிலை வகிக்கிறது. அமேதி தொகுதியில் காங்கிரஸ் தலைவர் ராகுல் காந்தி பின்னடைவை சந்தித்துள்ளார். பாஜக சார்பில் போட்டியிடும் ஸ்மிரிதி இராணி முன்னிலை பெற்றுள்ளார்.