மிகப்பெரிய வெற்றி பெற்ற ஐயப்பனும் கோஷியும் பட இயக்குனர் மரணம்

திருவனந்தபுரம்

கதாசிரியர், தயாரிப்பாளர், இயக்குநர் என பன்முக திறமை கொண்டவர் கே.ஆர்.சச்சிதானந்தம் என்ற சச்சி. 2015-ம் ஆண்டு பிருத்விராஜ், பிஜூ மேனன் உள்ளிட்டோர் நடித்த அனார்கலி படத்தை இயக்கி உள்ளார்.  சமீபத்தில் அய்யப்பனும் கோஷியும் என்ற படத்தை இயக்கினார்.

பிருத்விராஜ், பிஜூ மேனன் நடித்திருந்த இத்திரைப்படம் கடந்த பிப்ரவரி மாதம் வெளியாகி ரசிகர்களிடையே நல்ல வரவேற்பைப் பெற்றது. இதையடுத்து இந்தப் படம் தமிழ் உள்ளிட்ட பல மொழிகளில் ரீமேக் செய்யப்பட உள்ளதாகவும் தகவல்கள் வெளியாகியுள்ளன.

கே.ஆர்.சச்சிதானந்தத்துக்கு உடல் நலக்குறைவு ஏற்பட்டு இரண்டு தினங்களுக்கு முன்னர் திருச்சூரில் உள்ள மருத்துவமனையில் அனுமதிக்கப்பட்டார். 48 வயதாகும் அவருக்கு திடீரென இதயத்துடிப்பில் பிரச்சினை ஏற்பட்டதால் தனியார் மருத்துவமனையின் அவசர சிகிச்சைப் பிரிவில் அனுமதிக்கப்பட்டார்.

இந்த நிலையில், சச்சிதானந்தம் சிகிச்சை பலனின்றி உயிரிழந்துள்ளார். அவருக்கு திரைத்துறையினர் இரங்கல் தெரிவித்து வருகின்றனர்.