நடன இயக்குனர் பிருந்தா கோபால் இயக்கும் படத்தின் புதிய அப்டேட்..!

சென்னை,

துல்கர் சல்மான், அதிதி ராவ் ஹைதரி, காஜல் அகர்வால் ஆகியோர் நடிப்பில் வெளியான 'ஹே சினாமிகா' திரைப்படத்தின் மூலம் பிரபல நடன இயக்குனர் பிருந்தா கோபால் இயக்குனராக அறிமுகமானார். இந்த திரைப்படம் ரசிகர்கள் மத்தியில் நல்ல வரவேற்பைப் பெற்றது. இதையடுத்து பிருந்தா ஆக்சன் திரைப்படம் ஒன்றை இயக்கி வருகிறார். இந்த திரைப்படத்திற்கு 'குமரி மாவட்டத்தின் தக்ஸ்' என்று பெயரிடப்பட்டுள்ளது.

இந்த படத்தில் பாபி சிம்ஹா, ஆர்.கே.சுரேஷ், முனீஸ்காந்த், ஹிரிது ஹருண், அனஸ்வரராஜன் ஆகியோர் முக்கிய கதாபாத்திரங்களில் நடித்துள்ளனர். இந்த படத்திற்கு சாம்.சி.எஸ் இசையமைத்துள்ளார். பிரியேஷ் குருசாமி ஒளிப்பதிவு செய்துள்ளார். பிரவீன் ஆண்டனி படத்தொகுப்பு செய்துள்ளார்.

ஹெச்.ஆர்.பிக்சர்ஸ் சார்பில் தயாரிப்பாளர் ரியா ஷிபு தயாரிக்கும் இந்த படம் தமிழ், தெலுங்கு, இந்தி, கன்னடம் உள்ளிட்ட மொழிகளில் வெளியாக இருக்கிறது. இந்த நிலையில் இந்த திரைப்படத்தின் படப்பிடிப்பு தற்போது நிறைவடைந்துள்ளது. இதுகுறித்து தன்னுடைய சமூக வலைதள பக்கத்தில் அறிவித்துள்ள இயக்குனர் பிருந்தா கோபால், விரைவில் இந்த படத்தின் பர்ஸ்ட்லுக் போஸ்டர் மற்றும் டீசர் வெளியாகும் என்று தெரிவித்துள்ளார்.