கார் விபத்தில் சிக்கிய நடிகை ரம்பா ;மகளுக்கு மருத்துமனையில் சிகிச்சை
நடிகை ரம்பா குழந்தைகளை பள்ளியிலிருந்து அழைத்து வரும் போது விபத்து ஏற்பட்டது;
கனடா:
நடிகை ரம்பா சென்ற கார் விபத்துக்குள்ளாகியுள்ளது. கனடாவில் குழந்தைகளுடன் பள்ளியில் இருந்து வீடு திரும்பும் போது சிறிய அளவிலான விபத்து ஏற்பட்டதாக நடிகை ரம்பா இன்ஸ்டாகிராமில் தகவல் தெரிவித்துள்ளார்.
காரில் அவருடன் குழந்தைகள் மற்றும் ஆயாவும் இருந்தனர். அதிர்ஷ்டவசமாக, யாருக்கும் பெரிய காயம் ஏற்படவில்லை, ஆனால் அவரது மகள் சாஷா இன்னும் மருத்துவமனையில் அனுமதிக்கப்பட்டுள்ளார். தனக்காக பிரார்த்திக்குமாறு ரசிகர்களுக்கு வேண்டுகோள் விடுத்துள்ளார்.
பிரபலங்களும் ரசிகர்களும் ரம்பா மற்றும் அவரது மகளுக்காக பிரார்த்தனை செய்து வருகின்றனர்.
சுந்தர்.சி இயக்கத்தில் வெளிவந்த உள்ளத்தை அள்ளித்தா படத்தின் மூலம் தமிழ் சினிமாவில் கதாநாயகியாக அறிமுகமானவர் நடிகை ரம்பா.
இதன்பின் செங்கோட்டை, அருணாச்சலம், காதலா காதலா, மின்சார கண்ணா, அன்புடன், ஆனந்தம், மிலிட்டரி, 3 ரோஸஸ் என தமிழ் படங்கள் குவிந்தது.
நடிகை ரம்பாவிற்கு இந்திர குமார் பத்மநாதன் என்பவருடன் கடந்த 2010ஆம் ஆண்டு திருமணம் நடைபெற்றது. இந்த அழகிய தம்பதிக்கு ஒரு மகனும், இரண்டு மகள்களும் உள்ளனர்.
அடிக்கடி தனது குடும்பத்துடன் இருக்கும் அழகிய புகைப்படங்களை தனது சமூக வலைத்தளத்தில் பதிவு செய்வார்.
ரம்பாவின் உண்மையான பெயர் விஜயலட்சுமி. 20 ஆண்டுகளில் 100க்கும் மேற்பட்ட படங்களில் நடித்துள்ளார். 90களில் பாலிவுட்டின் பிரபல நடிகைகளில் ரம்பாவும் ஒருவர். ஒரு கட்டத்தில் திவ்யபாரதிக்கும் கடும் போட்டி கொடுத்தார். 2000 ஆம் ஆண்டு வரை ஹிந்தித் திரையுலகில் ஆதிக்கம் செலுத்தினார்.