புரோ கபடி லீக்; ஜெய்ப்பூரை வீழ்த்திய பாட்னா பைரேட்ஸ்

ஐதராபாத்,

11-வது புரோ கபடி லீக் போட்டி ஐதராபாத்தில் நடந்து வருகிறது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் 'பிளே-ஆப்' சுற்றுக்கு தகுதி பெறும்.

இந்நிலையில், இந்த தொடரில் இன்று 2 லீக் ஆட்டங்கள் நடைபெறுகின்றன. அதில் இரவு 8 மணிக்கு நடைபெற்ற ஆட்டத்தில் ஜெய்ப்பூர் பிங்க் பாந்தர்ஸ் - பாட்னா பைரேட்ஸ் அணிகள் மோதின. தொடக்கம் முதலே பரபரப்பாக நடைபெற்ற இந்த ஆட்டத்தில் இரு அணிகளும் மாறி மாறி புள்ளிகள் எடுத்தன.

இறுதியில் இந்த ஆட்டத்தில் 43-41 என்ற புள்ளிக்கணக்கில் ஜெய்ப்பூரை வீழ்த்தி பாட்னா பைரேட்ஸ் திரில் வெற்றி பெற்றது. இன்று நடைபெற்று வரும் மற்றொரு லீக் ஆட்டத்தில் தமிழ் தலைவாஸ் - தபாங் டெல்லி அணிகள் ஆடி வருகின்றன.