புரோ கபடி லீக்; பெங்களூருவை வீழ்த்தி பாட்னா பைரேட்ஸ் அபார வெற்றி

நொய்டா,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்தில் நடந்து முடிந்தன. இதையடுத்து தொடரின் 2-வது கட்ட லீக் ஆட்டங்கள் நொய்டாவில் நடைபெற்று வருகின்றன.

இந்நிலையில், இந்த தொடரில் நேற்று நடைபெற்ற 2வது ஆட்டத்தில் பெங்களூரு புல்ஸ் - பாட்னா பைரேட்ஸ் அணிகள் மோதின. இந்த ஆட்டத்தில் தொடக்கம் முதலே ஆதிக்கம் செலுத்திய பாட்னா அடுத்தடுத்து புள்ளிகளை எடுத்து அசத்தியது. இறுதியில் இந்த ஆட்டத்தில் 54-31 என்ற புள்ளிக்கணக்கில் பெங்களூரு புல்ஸை வீழ்த்தி பாட்னா பைரேட்ஸ் அபார வெற்றி பெற்றது.