புரோ கபடி லீக்; பரபரப்பான ஆட்டத்தில் புனேவை வீழ்த்தி திரில் வெற்றி பெற்ற ஜெய்ப்பூர்

நொய்டா,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்தில் நடந்து முடிந்தன. இதையடுத்து தொடரின் 2-வது கட்ட லீக் ஆட்டங்கள் நொய்டாவில் நடைபெற்று வருகின்றன.

இந்நிலையில், இந்த தொடரில் நேற்று இரவு 9 மணிக்கு நடைபெற்ற ஆட்டத்தில் ஜெய்ப்பூர் பிங்க் பாந்தர்ஸ் - புனேரி பால்டன் அணிகள் மோதின. இந்த ஆட்டத்தில் தொடக்கம் முதலே இரு அணிகளும் மாறி மாறி புள்ளிகள் எடுத்தன.

இறுதிவரை பரபரப்பாக நடைபெற்ற இந்த ஆட்டத்தில் 30-28 என்ற புள்ளிக்கணக்கில் புனேரி பால்டனை வீழ்த்தி ஜெய்ப்பூர் பிங்க் பாந்தர்ஸ் திரில் வெற்றி பெற்றது.