புரோ கபடி லீக்: பெங்கால் வாரியர்ஸ், புனேரி பால்டன் அணிகள் வெற்றி

ஐதராபாத்,

11-வது புரோ கபடி லீக் போட்டி ஐதராபாத்தில் நடந்து வருகிறது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் 'பிளே-ஆப்' சுற்றுக்கு தகுதி பெறும்.

இந்த தொடரில் நேற்று இரவு நடைபெற்ற முதல் லீக் ஆட்டத்தில் புனேரி பால்டன் - யு மும்பா அணிகள் மோதின. விறுவிறுப்பாக நடைபெற்ற இந்த ஆட்டத்தில் புனேரி பால்டன் 35-28 என்ற புள்ளி கணக்கில் யு மும்பா அணியை வீழ்த்தி வெற்றி பெற்றது.

இதைத் தொடர்ந்து நடைபெற்ற மற்றொரு லீக் ஆட்டத்தில் பெங்கால் வாரியர்ஸ் - அரியானா ஸ்டீலர்ஸ் அணிகள் மோதின. இந்த ஆட்டத்தில் பெங்கால் வாரியர்ஸ் அணி 40-38 என்ற புள்ளி கணக்கில் அரியானா அணியை வீழ்த்தி வெற்றி பெற்றது.