ஐ.எஸ்.எல். கால்பந்து தொடர்; பெங்களூருவை வீழ்த்திய எப்.சி.கோவா

கோவா,

13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் இந்தியாவில் பல்வேறு நகரங்களில் நடந்து வருகிறது. இந்த தொடரில் கோவாவில் இன்று நடைபெற்ற லீக் ஆட்டத்தில் எப்.சி. கோவா - பெங்களூரு எப்.சி. அணிகள் மோதின்.

இந்த ஆட்டத்தின் முதல் பாதியில் இரு அணிகளும் கோல் அடிக்கவில்லை. இதனால் முதல் பாதி ஆட்டம் கோல் ஏதுமின்றி முடிந்தது. தொடர்ந்து நடைபெற்ற 2வது பாதி ஆட்டத்தில் அபாரமாக செயல்பட்ட எப்.சி.கோவா அணியினர் அடுத்தடுத்து 3 கோல் அடித்து 3-0 என முன்னிலை பெற்று தந்தனர்.

இதையடுத்து இரு அணிகளும் கோல் அடிக்க எடுத்த முயற்சிகளுக்கு இறுதிவரை பலன் கிடைக்கவில்லை. இறுதியில் இந்த ஆட்டத்தில் 3-0 என்ற கோல் கணக்கில் பெங்களூருவை வீழ்த்தி எப்.சி.கோவா வெற்றி பெற்றது.