ஐ.எஸ்.எல். கால்பந்து: முகமதின் எஸ்.சி. அணியை வீழ்த்தி ஜாம்ஷெட்பூர் வெற்றி

ஜாம்ஷெட்பூர்,

13 அணிகள் பங்கேற்றுள்ள 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் பல்வேறு நகரங்களில் நடந்து வருகிறது. இந்த தொடரில் ஜாம்ஷெட்பூரில் இன்று நடைபெற்ற லீக் ஆட்டத்தில் ஜாம்ஷெட்பூர் எப்.சி. - முகமதின் எஸ்.சி. அணிகள் மோதின.

இந்த ஆட்டத்தில் ஜாம்ஷெட்பூர் அணி சார்பில் முகமது சனான் ஆட்டத்தின் 53-வது நிமிடத்தில் ஒரு கோல் அடித்தார். மேலும் ஜாவியர் சிவெரியோ 61-வது நிமிடத்திலும், ஸ்டீபன் 79-வது நிமிடத்திலும் தலா ஒரு கோல் அடித்தனர். முகமதின் எஸ்.சி. அணி சார்பில் முகமது இர்ஷாத் ஆட்டத்தின் 88-வது நிமிடத்தில் ஒரு கோல் அடித்தார்.

இந்த நிலையில் ஆட்டநேர முடிவில் ஜாம்ஷெட்பூர் எப்.சி. அணி 3-1 என்ற கோல் கணக்கில் முகமதின் எஸ்.சி. அணியை வீழ்த்தி வெற்றி பெற்றது.