பார்டர்-கவாஸ்கர் தொடர் : ஜெய்ஸ்வால் முக்கிய வீரராக இருப்பார் - புஜாரா

பெர்த்,

கிரிக்கெட் ரசிகர்களை மிகுந்த எதிர்பார்ப்புக்கு உள்ளாக்கி இருக்கும் இந்தியா - ஆஸ்திரேலியா இடையிலான பார்டர் - கவாஸ்கர் கோப்பை தொடர் நாளை தொடங்குகிறது. கிரிக்கெட் உலகின் பலம் வாய்ந்த இரு அணிகள் மோத உள்ளதால் இந்த தொடர் எதிர்பார்ப்பை எகிற வைத்துள்ளது. மேலும் ஆஸ்திரேலியாவில் நடைபெற்ற கடந்த 2 பார்டர் -கவாஸ்கர் கோப்பை தொடர்களையும் இந்தியா கைப்பற்றியுள்ளது. இதனால் தொடர்ந்து 3-வது முறையாக வெல்லும் முனைப்புடன் இந்தியா களமிறங்க உள்ளது. அதே வேளையில் சொந்த மண்ணில் இந்தியாவின் ஆதிக்கத்தை கட்டுப்படுத்த வேண்டும் என்ற முனைப்பில் ஆஸ்திரேலியா களமிறங்க உள்ளது.

இந்த நிலையில், இந்த தொடரில் ஜெய்ஸ்வால் முக்கிய இருப்பார் என புஜாரா தெரிவித்துள்ளார் இது தொடர்பாக அவர் கூறியதாவது ,

இந்தியா உருவாக்கிய சிறந்த வீரர்களில் ஜெய்ஸ்வால் ஒருவர். இந்த தொடரில் இந்திய அணியில் ஜெய்ஸ்வால் முக்கிய வீரராக இருப்பார் என நம்புகிறேன். மேலும் இந்திய அணியில் கே.எல்.ராகுல் 3வது வரிசையில் களமிறங்க வேண்டும் .அவருக்கு அதிக அனுபவம் உள்ளது. என தெரிவித்தார்.