மகளிர் ஆசிய ஆக்கி: சாம்பியன் பட்டம் வென்ற இந்திய அணிக்கு அமித் ஷா வாழ்த்து

புதுடெல்லி,

6 அணிகள் இடையிலான 8-வது பெண்கள் ஆசிய சாம்பியன்ஸ் கோப்பை ஆக்கி போட்டி பீகாரில் உள்ள ராஜ்கிர் நகரில் நடந்தது. இதன் இறுதிப்போட்டியில் நடப்பு சாம்பியனான இந்திய அணி, சீனாவை எதிர்கொண்டது. இதில் 1-0 என்ற கோல் கணக்கில் சீனாவை வீழ்த்தி இந்தியா சாம்பியன் பட்டத்தை தக்கவைத்தது.

இந்நிலையில் ஆசிய சாம்பியன்ஸ் கோப்பையை வென்ற இந்திய மகளிர் ஆக்கி அணிக்கு மத்திய உள்துறை மந்திரி அமித் ஷா வாழ்த்து தெரிவித்துள்ளார் இது தொடர்பாக அவர் வெளியிட்டுள்ள எக்ஸ் தள பதிவில்,

ஆசிய சாம்பியன்ஸ் டிராபியை வென்ற மகளிர் ஆக்கி அணிக்கு பாராட்டுகள். உங்கள் வெற்றி பெருமை மட்டுமல்ல, புதிய தலைமுறை விளையாட்டு வீரர்களுக்கு உத்வேகமும் அளிக்கும்.. உங்கள் எதிர்கால முயற்சிகளுக்கு எனது வாழ்த்துக்கள். என தெரிவித்துள்ளார்.