தேர்தல் முடிவுகள்.. அரியானாவில் மீண்டும் பா.ஜ.க. ஆட்சி, ஜம்மு காஷ்மீரை காங். கூட்டணி கைப்பற்றியது

வாக்கு எண்ணிக்கை நிறைவு.. ஜம்மு காஷ்மீரில் காங். கூட்டணி ஆட்சியை பிடித்தது

ஜம்மு-காஷ்மீரில் அனைத்து தொகுதிகளிலும் வாக்கு எண்ணிக்கை நிறைவடைந்தது. காங்கிரஸ், தேசிய மாநாட்டுக் கட்சி கூட்டணி ஆட்சியை கைப்பற்றியது.

தேர்தல் முடிவுகள் விவரம்:

ஹாட்ரிக் வெற்றி.. அரியானாவில் மெஜாரிட்டியை கடந்தது பா.ஜ.க.

அரியானா மாநிலத்தில் மூன்றாவது முறையாக பா.ஜ.க. ஆட்சியை பிடித்துள்ளது. தற்போதைய நிலவரப்படி 39 தொகுதிகளில் வெற்றி பெற்றுள்ளது. 9 தொகுதிகளில் முன்னிலையில் உள்ளது. 

அரியானாவில் சுயேச்சை வேட்பாளர் சாவித்ரி ஜிண்டால் வெற்றி

அரியானாவின் ஹிசார் தொகுதியில் காங்கிரஸ் வேட்பாளர் ராம் நிவாசை 18,941 வாக்குகள் வித்தியாசத்தில் சுயேச்சை வேட்பாளர் சாவித்ரி ஜிண்டால் வீழ்த்தி வெற்றி பெற்றுள்ளார்.

அரியானா தேர்தல் முடிவுகள்

ஜம்மு-காஷ்மீர் தேர்தல் முடிவு: பட்காம் தொகுதியில் உமர் அப்துல்லா வெற்றி

மீண்டும் காஷ்மீர் முதல்-மந்திரி ஆகிறார் உமர் அப்துல்லா

ஜம்மு காஷ்மீரின் முதல்-மந்திரியாக உமர் அப்துல்லா பதவியேற்பார் என தேசிய மாநாட்டு கட்சித்தலைவர் பரூக் அப்துல்லா  தெரிவித்துள்ளார்.

ஜம்மு காஷ்மீரில் காங்கிரஸ் கூட்டணி வெற்றி

ஜம்மு-காஷ்மீரில் காங்கிரஸ்-தேசிய மாநாட்டுக் கட்சி கூட்டணி ஆட்சியைப் பிடிக்கிறது. பிற்பகல் நிலவரப்படி தேசிய மாநாட்டுக் கட்சி 35 இடங்களில் வெற்றி பெற்றுள்ளது. காங்கிரஸ் 5 இடங்களில் வென்றுள்ளது. 6 தொகுதிகளில் தேசிய மாநாட்டுக் கட்சி முன்னிலையில் இருக்கிறது. பா.ஜ.க. 22 தொகுதிகளில் வெற்றி பெற்றுள்ளது.

ஜம்மு காஷ்மீர் - முன்னிலை நிலவரம்

தேசிய மாநாட்டு கட்சியினர் கொண்டாட்டம்

ஜம்மு காஷ்மீரில் தேசிய மாநாட்டு கட்சி அதிக இடங்களில் முன்னிலை பெற்று வெற்றியை நெருங்கி உள்ள நிலையில், அக்கட்சியின் தொண்டர்கள் உற்சாகமடைந்துள்ளனர். ஸ்ரீநகரில் கட்சியின் தலைவர் பரூக் அப்துல்லாவின் வீட்டிற்கு வெளியே தொண்டர்கள் கொண்டாட்டத்தில் ஈடுபட்டனர்.

அரியானாவில் நிலைமை மாறும்.. காங்கிரஸ் தலைவர் நம்பிக்கை

அரியானாவில் தற்போதைய நிலவரப்படி பா.ஜ.க. 49 தொகுதிகளில் முன்னிலை பெற்றுள்ளது. ஒரு தொகுதியில் வெற்றி பெற்றுள்ளது. எனவே, மூன்றாவது முறையாக பா.ஜ.க. ஆட்சியமைக்கும் சூழல் உருவாகியிருக்கிறது.

ஆனால் அடுத்தடுத்த சுற்று வாக்கு எண்ணிக்கையில், நிலைமை மாறும் என்றும், காங்கிரஸ் மெஜாரிட்டியை தாண்டும் என்றும் அக்கட்சியின் மூத்த தலைவர்களில் ஒருவரான அமின் பட்டேல் நம்பிக்கை தெரிவித்தார்.