'கண்ணப்பா ' படத்தின் ரிலீஸ் தேதி அறிவிப்பு

தெலுங்கில் வரலாற்று புதினத்தை தழுவி உருவாகி இருக்கும் புதிய திரைப்படம் கண்ணப்பா. மிகவும் பிரபலமான மகாபாரதம் தொடரை இயக்கிய பிரபல பாலிவுட் இயக்குநர் முகேஷ் குமார் சிங் இத்திரைப்படத்தை இயக்கி இருக்கிறார். வரலாற்று பின்னணியில் கடவுள் சிவனை வழிபடும் அவரது தீவிர பக்தன் கண்ணப்பரை பற்றிய கதையை தழுவி இப்படம் உருவாகி இருக்கிறது. இத்திரைப்படத்தில் பிரபல தெலுங்கு நடிகர் விஷ்ணு மஞ்சு கண்ணப்பர் என்ற வேடத்தில் நடித்துள்ளார்.

இதில் பிரபல மலையாள நடிகர் மோகன்லால் முக்கிய வேடத்திலும் மற்றும் தெலுங்கு நடிகர் பிரபாஸ்  சிவனாக நடிக்கின்றார். இத்திரைப்படத்தில் பாலிவுட்டில் முன்னணி நடிகராக வலம் வரும் அக்சய் குமாரும், இத்திரைப்படத்தில் முக்கிய கதாபாத்திரத்தில் நடித்துள்ளார். இதுவே அவர் நடிக்கும் முதல் தெலுங்கு திரைப்படமாகும். படத்தில் மோகன்பாபு, சரத்குமார், காஜல் அகர்வால் ஆகியோரும் முக்கிய கதாபாத்திரங்களில் நடிக்கின்றனர். இத்திரைப்படம் பான் இந்தியா படமாக உருவாகி வருகிறது.

படத்தில் நடித்த நடிகர்களின் சிறப்பு தோற்றத்தை படக்குழு வெளியிட்டு வருகிறது.

இந்நிலையில் 'கண்ணப்பா' படத்தின் ரிலீஸ் தேதியை படக்குழு வெளியிட்டுள்ளது. படத்தை அடுத்த ஆண்டு ஏப்ரல் மாதம் 25ம் தேதி வெளியிட படக்குழு திட்டமிட்டுள்ளது.