விஜய் ஆண்டனி நடித்த 'ககன மார்கன்' திரைப்படத்தின் பர்ஸ்ட் சிங்கிள் நாளை வெளியீடு

சென்னை,

'ஹிட்லர்' படத்தையடுத்து விஜய் ஆண்டனி நடித்துள்ள படம் 'ககன மார்கன்'. இந்த படத்தை அட்டக்கத்தி, பீட்சா, இன்று நேற்று நாளை, மாயவன் உள்ளிட்ட படங்களில் எடிட்டராக பணிபுரிந்த லியோ ஜான் பால் இயக்குகிறார். இது இவர் இயக்கும் முதல் படமாகும்.

தீப்சிகா, அஜய் தீஷன், சமுத்திரக்கனி, மகாநதி சங்கர், பிரிகடா, வினோத் சாகர் உள்ளிட்ட பலர் நடித்துள்ளனர். தமிழ், தெலுங்கு, இந்தி, மலையாளம், கன்னடம் உள்ளிட்ட மொழிகளில் 'ககன மார்கன்' திரைப்படம் வெளியாக உள்ளது. இந்த படத்தினை விஜய் ஆண்டனி தயாரிக்கிறார் என்பது குறிப்பிடத்தக்கது.

இப்படத்தின் பர்ஸ்ட் லுக் போஸ்டர், செகண்ட் லுக் போஸ்டர் வெளியாகி வைரலானது. இந்த படத்தில் வில்லனாக நடித்து இருக்கும் அஜய் தீஷன் இப்படத்தின் மூலம் சினிமாவில் அறிமுகமாகி உள்ளார். இவர் விஜய் ஆண்டனியின் அக்காவின் மகன் என்பது குறிப்பிடத்தக்கது.

இந்நிலையில் இப்படத்தின் பர்ஸ்ட் சிங்கிள் நாளை மாலை 5 மணிக்கு வெளியாகும் என படக்குழு அறிவித்துள்ளது.