``என் வாழ்க்கையை மாற்றிய படம் டிராகன்''- கயாடு லோஹர்

சென்னை,

அசாம் மாநிலம் தேஜ்பூரை சேர்ந்தவர் கயாடுலோஹர். இவர் கடந்த 2021-ம் ஆண்டு மனோரஞ்சன் நடிப்பில் வெளியான 'முகில்பேட்டை' என்ற கன்னட படத்தின் மூலம் நடிகையாக அறிமுகமானார்.

அதனைத்தொடர்ந்து, 2022-ம் ஆண்டு வெளியான ஸ்ரீ விஷ்ணு நடித்த 'அல்லூரி' மூலம் தெலுங்கில் அறிமுகமானார். இந்த படம் வரவேற்பை பெறவில்லை. அதனையடுத்து அவருக்கு தெலுங்கு பட வாய்ப்பு வரவில்லை.

அதன்பின்னர் ஒரு மராத்தி மற்றும் மலையாளப் படத்தில் நடித்திருக்கிறார். இருந்தபோதும், அவரின் பெயர் அந்த அளவிற்கு வெளியில் தெரியவில்லை. தமிழில் பிரதீப் ரங்கநாதனுக்கு ஜோடியாக 'டிராகன்' படத்தில் நடித்தற்கு பிறகு மிகவும் பிரபலமாகி இருக்கிறார் கயாடு லோஹர்.

இதன் காரணமாக அவருக்கு பட வாய்ப்புகள் குவிந்து வருகின்றன. இந்நிலையில், 'டிராகன்' படம் தன் வாழ்க்கையையே மாற்றிவிட்டதாக கயாடு கூறியிருக்கிறார். தற்போது அதர்வாவுக்கு ஜோடியாக 'இதயம் முரளி' படத்தில் நடித்து வரும் இவர், தெலுங்கு படம் ஒன்றிலும் நடிக்க உள்ளதாக கூறப்படுகிறது.