ஐரோப்பிய நாடுகளுக்கு எரிவாயு ஏற்றுமதியை அதிகரிக்க இஸ்ரேல்-எகிப்து ஒப்பந்தம்

ஐரோப்பிய ஒன்றியத் தலைவர் உர்சுலா வான் டெர் லேயன் எகிப்து நாட்டின் கெய்ரோவுக்கு இன்று பயணம் மேற்கொண்டார். இந்த பயணத்தின் போது முக்கிய ஒப்பந்தங்கள் கையெழுத்தாகின.

அதன்படி, இந்த ஒப்பந்தத்தின் கீழ், ஐரோப்பாவிற்கு எரிவாயு ஏற்றுமதியை அதிகரிக்க இஸ்ரேலும் எகிப்தும் திட்டமிட்டுள்ளதாக கூறப்படுகிறது.

இப்போதைய சூழலில், உக்ரைன் போரின் விளைவாக, எகிப்து தானிய பற்றாக்குறையால் தத்தளித்து வருகிறது. இதனை கருத்திற் கொண்டு, எகிப்துக்கு 100 மில்லியன் யூரோக்கள் ($104 மில்லியன்) மதிப்புள்ள உணவு நிவாரணம் அளிக்கப்படும் என ஐரோப்பிய ஒன்றியத் தலைவர் உறுதியளித்தார்.