இஸ்ரேலில் அமெரிக்க படைகள்? காசா மீது இடைவிடாமல்... ... ஹமாசின் டிரோன் தாக்குதல் முறியடிப்பு - இஸ்ரேல் ராணுவம் தகவல்

இஸ்ரேலில் அமெரிக்க படைகள்?

காசா மீது இடைவிடாமல் வான்தாக்குதல் நடத்தி வரும் இஸ்ரேல் ராணுவம் அங்கு தரைவழி தாக்குதல் நடத்தவும் ஆயத்தமாகி வருகிறது. இதற்காக காசா எல்லையில் நூற்றுக்கணக்கான பீரங்கிகள் மற்றும் பல்லாயிரக்கணக்கான துருப்புக்களை இஸ்ரேல் ராணுவம் குவிந்துள்ளது.

இந்த சூழலில் காசா மீது தரைவழி தாக்குதலை தொடங்குவது குறித்து இஸ்ரேல் பிரதமர் பெஞ்சமின் நேட்டன்யாகு மந்திரி சபையை கூட்டி ஆலோசித்ததாக தகவல்கள் தெரிவிக்கின்றன. எனினும் தாக்குதல் குறித்து மந்திரி சபை என்ன முடிவெடுத்தது என்கிற தகவல்கள் வெளியாகவில்லை.

இதற்கிடையில் ஹமாஸ் அமைப்பினரை அழிக்கும் ரகசிய நடவடிக்கையில் அமெரிக்காவின் டெல்டா படை வீரர்கள் ஈடுபட உள்ளதாக தகவல்கள் வெளியாகி இருக்கின்றன.