சவுதி பட்டத்து இளவரசருடன் அமெரிக்க வெளியுறவுத்துறை... ... இஸ்ரேல் - ஹமாஸ் இடையே 9ம் நாளாக தொடரும் போர்..!!

சவுதி பட்டத்து இளவரசருடன் அமெரிக்க வெளியுறவுத்துறை மந்திரி சந்திப்பு

ஹமாஸ் ஆயுதக்குழு - இஸ்ரேல் இடையேயான போர் இன்று 9ம் நாளாக நீடித்து வருகிறது. இந்நிலையில், அமெரிக்க வெளியுறவுத்துறை மந்திரி ஆண்டனி பிளிங்கன் இன்று சவுதி அரேபியா சென்றுள்ளார். அவர் சவுதி பட்டத்து இளவரசர் முகமது பின் சல்மானை சந்தித்து பேசினார்.

ஹமாஸ் - இஸ்ரேல் இடையேயான போர் தீவிரமடைந்து வரும் நிலையில் சவுதி பட்டத்து இளவரசர் முகமது பின் சல்மானை அமெரிக்க வெளியுறவுத்துறை மந்திரி பிளிங்கன் சந்தித்தது மிகவும் முக்கியத்துவம் வாய்ந்ததாக பார்க்கப்படுகிறது.

அமெரிக்காவின் முயற்சியால் சமீபத்தில் இஸ்ரேல் - சவுதி அரேபியா இடையே அமைதி பேச்சுவார்த்தைக்கான முன்னெடுப்புகள் மேற்கொள்ளப்பட்டு வந்தன. இந்த சூழ்நிலையில் இஸ்ரேல் மீது ஹமாஸ் ஆயுதக்குழு தாக்குதல் நடத்தியது. ஈரான் ஆதரவு பெற்ற ஹமாஸ் அமைப்பின் தாக்குதலுக்கு பதிலடியாக காசா முனை மீது இஸ்ரேல் தாக்குதல் நடத்தி வருகிறது. இந்த போரால் இஸ்ரேல் - சவுதி அரேபியா இடையேயான அமைதி பேச்சுவார்த்தை முயற்சி தற்காலிகமாக தடைபட்டுள்ளது என்பது குறிப்பிடத்தக்கது.