ஐ.எஸ்.எல் கால்பந்து: இந்திய வீரர் ஜெர்மன்பிரீத் சிங்கை ஒப்பந்தம் செய்தது ஜாம்ஷெட்பூர் அணி

ஜாம்ஷெட்பூர்,

இந்தியன் சூப்பர் லீக் 2022- 2023 சீசனுக்காக பல்வேறு அணிகள் புதிய வீரர்களை ஒப்பந்தம் செய்து வருகின்றன. அந்த வகையில் ஜாம்ஷெட்பூர் எப்.சி அணி புதிய வீரர்களை ஒப்பந்தம் செய்து அணியை வலுவாக கட்டமைப்பதில் கவனம் செலுத்தி வருகிறது.

அந்த வகையில் ஜாம்ஷெட்பூர் எப்.சி அணி கடந்த சில தினங்களுக்கு முன் மிட்பீல்டர் ஜிதேந்திர சிங்கை தக்க வைத்தது. அதை தொடர்ந்து அந்த பிரதிக் சௌதரி மற்றும் பிரேசில் அணியின் மிட்ஃபீல்டர் வெலிங்டன் பிரியோரியை ஒப்பந்தம் செய்தது.

இந்த நிலையில் தற்போது அந்த அணி இந்திய வீரர் ஜெர்மன்பிரீத் சிங்கை ஒப்பந்தம் செய்துள்ளது. இவர் 2024 ஆம் ஆண்டு வரை ஜாம்ஷெட்பூர் எப்.சி அணிக்காக விளையாட ஒப்பந்தம் செய்யப்பட்டுள்ளார். சென்னையின் எஃப்சி அணிக்காக இவர் 5 சீசன்களில் விளையாடியுள்ளார் என்பது குறிப்பிடத்தக்கது.