ஐரோப்பிய கால்பந்து சாம்பியன்ஷிப்: ஜார்ஜியாவை வீழ்த்தி ஸ்பெயின் காலிறுதிக்கு தகுதி

கெலோன்,

17-வது ஐரோப்பிய கால்பந்து சாம்பியன்ஷிப் போட்டி ஜெர்மனியில் நடந்து வருகிறது. இதில் கெலோன் நகரில் நடந்த நாக்-அவுட் சுற்று ஆட்டம் ஒன்றில் முன்னாள் சாம்பியனான ஸ்பெயின், ஜார்ஜியாவுடன் மோதியது.

இதில் தொடக்கம் முதலே ஆதிக்கம் செலுத்திய ஸ்பெயின் அணி 4-1 என்ற கோல் கணக்கில் ஜார்ஜியாவை விரட்டியடித்து காலிறுதிக்கு முன்னேறியது. 18-வது நிமிடத்தில் எதிர்பாராவிதமாக எதிரணிக்கு சுயகோல் வழங்கி பின்தங்கிய ஸ்பெயின் அதன் பிறகு தாக்குதலை தீவிரப்படுத்தி கோல் மழை பொழிந்தது. ரோட்ரி, பாபியன் ரூஸ், நிகோ வில்லியம்ஸ், டானி ஆல்மோ ஆகியோர் அந்த அணியில் கோல் போட்டு அசத்தினர்.