கோபா அமெரிக்க கால்பந்து தொடர்: அமெரிக்காவை வீழ்த்திய பனாமா அணி

ஜார்ஜியா,

உலகக் கோப்பை, யூரோ கோப்பை கால்பந்து தொடருக்கு அடுத்து புகழ்பெற்ற கோபா அமெரிக்க கால்பந்து தொடர் அமெரிக்காவில் நடைபெற்று வருகிறது. இந்த தொடர் கடந்த 1916-ம் ஆண்டு முதல் நடத்தப்பட்டு வருகிறது. இந்த தொடர் வரும் ஜூலை 15-ம் தேதி வரை நடைபெறுகிறது.

இந்நிலையில் இந்த தொடரில் இன்று நடைபெற்ற ஒரு ஆட்டத்தில் அமெரிக்கா மற்றும் பனாமா அணிகள் மோதின. இந்த போட்டியின் முதல் பாதி ஆட்டம் 1-1 என்ற கோல் கணக்கில் சமனில் முடிந்தது. இதையடுத்து விறுவிறுப்பாக நடைபெற்ற 2ம் பாதி ஆட்டத்தில் அபாரமாக ஆடிய பனாமா அணி மேலும் ஒரு கோல் அடித்து 2-1 என்ற கோல் கணக்கில் முன்னிலை பெற்றது.

இதையடுத்து அமெரிக்க வீரர்கள் கோல் அடிக்க எடுத்த முயற்சிகளுக்கு பலன் கிடைக்கவில்லை. இறுதியில் இந்த ஆட்டத்தை 2-1 என்ற கோல் கணக்கில் பனாமா அணி வென்றது.