கோபா அமெரிக்க கால்பந்து தொடர்: அமெரிக்கா, உருகுவே அணிகள் வெற்றி

டெக்சாஸ்,

உலகக் கோப்பை, யூரோ கோப்பை கால்பந்து தொடருக்கு அடுத்து புகழ்பெற்ற கோபா அமெரிக்க கால்பந்து தொடர் அமெரிக்காவில் நடைபெற்று வருகிறது. இந்த தொடர் கடந்த 1916-ம் ஆண்டு முதல் நடத்தப்பட்டு வருகிறது. இந்த தொடர் வரும் ஜூலை 15-ம் தேதி வரை நடைபெறுகிறது.

இந்நிலையில் இந்த தொடரில் இன்று நடைபெற்ற ஒரு ஆட்டத்தில் அமெரிக்கா - பொலிவியா அணிகள் மோதின. இந்த ஆட்டத்தின் ஆரம்பம் முதலே அபாரமாக செயல்பட்ட அமெரிக்க அணி ஆட்டத்தின் முதல் பாதியிலேயே 2 கோல்கள் அடித்து 2-0 என முன்னிலை பெற்றது.

தொடர்ந்து நடைபெற்ற 2வது பாதி ஆட்டத்தில் இரு அணி வீரர்களும் கோல் அடிக்க எடுத்த முயற்சிகளுக்கு பலன் கிடைக்கவில்லை. இறுதியில் இந்த ஆட்டத்தை 2-0 என்ற கோல் கணக்கில் அமெரிக்கா வென்றது. இதையடுத்து புளோரிடாவில் நடைபெற்ற மற்றொரு ஆட்டத்தில் உருகுவே அணி 3-1 என்ற கோல் கணக்கில் பனாமாவை வீழ்த்தி வெற்றி பெற்றது.