கோபா அமெரிக்க கால்பந்து தொடர்: பராகுவேவை வீழ்த்தி வெற்றி பெற்ற கொலம்பியா

டெக்சாஸ்,

உலகக் கோப்பை, யூரோ கோப்பை கால்பந்து தொடருக்கு அடுத்து புகழ்பெற்ற கோபா அமெரிக்க கால்பந்து தொடர் அமெரிக்காவில் நடைபெற்று வருகிறது. இந்த தொடர் கடந்த 1916-ம் ஆண்டு முதல் நடத்தப்பட்டு வருகிறது. இந்த தொடர் வரும் ஜூலை 15-ம் தேதி வரை நடைபெறுகிறது.

இந்நிலையில் இந்த தொடரில் இன்று நடைபெற்ற ஒரு ஆட்டத்தில் பராகுவே - கொலம்பியா அணிகள் மோதின. விறுவிறுப்பாக நடைபெற்ற இந்த ஆட்டத்தில் கொலம்பியா அணி 2-1 என்ற கோல் கணக்கில் பராகுவேவை வீழ்த்தி வெற்றி பெற்றது.

கொலம்பியா அணி தரப்பில் டேனியல் முனோஸ், ஜெபர்சன் லெர்மா ஆகியோர் தலா 1 கோல் அடித்தனர். பராகுவே தரப்பில் ஜூலியோ என்சிசோ ஒரு கோல் அடித்தார்.